Məhsul Almaniya brendidir. Fitness məşqlərini evdə də rahatlıqla reallaşdıra bilməyiniz üçün dizayn və istehsal olunmuşdur.
Fayda və üstünlükləri:
Kardio məşqlərindən daha çox effekt almağınıza kömək edən avadanlıqlardan biri də elliptik velotrenajorlardır. Bu avadanlıqların köməkliyi ilə həm arıqlaya, həm də formanızı qoruya bilərsiniz. Belə trenajorlardan biri olan VolksGYM ET-70S sizə evdə rahatlıqla məşq etmək imkanı yaradır. Avadanlığın götürə biləcəyi maksimum çəki 120 kiloqramdır. Elliptik velotrenajorun əsas hərəkət mexanizmi pedallardadır. "Pedal çevirmək niyə bu qədər çətin olsun?" deyə düşünürsünüzsə, həmin pedalların bağlı olduğu disklər var. Disklərin ağırlığı artdıqca hərəkət etməyiniz də çətinləşir. Beləliklə, daha çox enerji sərf etmiş və kalori yandırmış olursunuz. Disklərin bağlı olduğu lentin gərginliyini ekranın altında olan tutacaq vasitəsilə tənzimləyə bilərsiniz. Bu lentin gərginliyi nə qədər çox olarsa məşq etmək bir o qədər çətinləşir və daha çox enerji sərf etməyinizə şərait yaradır. Avadanlığın həm hərəkətli, həm də hərəkətsiz 2 cüt tutacağı mövcuddur. Sadəcə bədənin aşağı üzvlərini məşq etdirmək istəyirsinizsə, hərəkətsiz tutacaqdan tuta bilərsiniz. Lakin bədənin həm aşağı, həm də yuxarı üzvlərini hərəkət etdirmək istəyirsinizsə, pedalla sinxron hərəkət edən tutacaqdan tutmağınız kifayətdir. Avadanlığın oturacağını boy və imkanlarınıza uyğun rahatlıqla nizamlaya bilərsiniz. Elliptik velotrenajorda yaralanma riskiniz azdır. Diz və oynaq problemləri yaşayırsınızsa, məşq üçün elliptik velotrenajor seçməyiniz daha məqsədə uyğun olar. Avadanlığın ekranından hərəkət müddətinizi, məsafənizi, yandırdığınız kalori miqdarını, sürətinizi, nəbzinizi izləyə bilərsiniz. Nəbzinizi ölçmək üçün avadanlığın tutacaqlarında olan metal sensorlardan tutmaq kifayətdir. Həmçinin, tutacaqlarda sürətli düymələr yerləşdirilib. Bunlar hərəkət çətinliyinizi artırıbazaltmağınıza kömək edir.
