Məhsul İtaliya brendidir. Bodybuilding məşqlərini istər evdə, istərsə də idman zalında rahatlıqla edə bilməyiniz üçün dizayn və istehsal olunmuşdur. Fayda və üstünlükləri: Long Pull TA14 bədənin yuxarı üzvlərinin, xüsusilə biceps və gövdənin yan əzələlərinin məşq və inkişafı üçün nəzərdə tutulmuş güc trenajorudur. Bu tipli məşqlər bədənin ümumi gücünü, dözümlülüyü, müqaviməti artırır və ürək-damar sistemini gücləndirir. Avadanlığın quruluşu və istifadəsi olduqca rahatdır. Məşqə başlamaq üçün oturacağa əyləşib ayaqlarınızı uzadırsınız və ayaqlarınızı onlar üçün nəzərdə tutulmuş dayaqlara söykəyirsiniz. Məşq etmək üçün lazım olan çəki miqdarını oturacaqdan idarə etməyiniz mümkündür. Sadəcə çəki lövhəsində olan çubuğu məşqiniz üçün olan çəkiyə daxil edib bərkidin. Və avadanlıq məşq üçün hazırdır. Trenajora daxil olan standart çəki miqdarı 72,5 kiloqramdır. Çəkini nizamladıqdan sonra, çəkiyə bağlı quraşdırılan tutacaqlardan tutub qollarınızı sinənizə yığılana kimi özünüzə doğru çəkin. Daha sonra yenə ilkin vəziyyətə qayıdın. Məşq edərkən əsas diqqət etməli olduğunuz məqamlardan biri də belinizin daim düz olmasıdır. Avadanlığın sadə və incə quruluşu sizə daha rahat məşq imkanı yaradır. Bu tip avadanlıqlar əsasən idman zalı üçün nəzərdə tutulub, lakin evinizdə özünəməxsus idman zalı yaratmaq istəyirsinizsə, rahatlıqla almağınız mümkündür.
