Məhsul İtaliya brendidir. Bodybuilding məşqlərini istər evdə, istərsə də idman zalında rahatlıqla edə bilməyiniz üçün dizayn və istehsal olunmuşdur. Fayda və üstünlükləri: Cable Crossover TA24 sizə standart güc trenajorlarından fərqli bir məşq prosesi təmin edir. Avadanlığın çarpaz məşq üçün nəzərdə tutulmuş quruluşu demək olar bütün əzələlərinizi daha aktiv şəkildə məşq etdirməyinizə imkan yaradır. Daha çox edəcəyiniz məşqlər abs, bel, omba, oblik əzələlərinə, bundan əlavə biceps, triceps, sinə əzələlərinə yönəlikdir. Avadanlığın iki tərəfinə ayrı ayrılıqda 50 kiloqram çəki daxildir. Təbii ki birdən birə 100 kiloqramlıq çəki ilə məşq etməyiniz düzgün deyil. Məşqlərdəki peşəkarlıq səviyyənizdən asılı olaraq çəki miqdarını artırıb azaltmağınız mümkündür. Bunun üçün sadəcə çəki lövhəsində olan çubuğu istədiyiniz çəki miqdarına yerləşdirib bərkitmək lazımdır. Məşq əsnasında diqqət etməli olduğunuz əsas məqam duruşunuzdur. Beliniz düz olmalı və hər hansı bir əzələ qrupunu gücə salacaq duruşlar sərgiləməməlisiniz. Bu tip avadanlıqlar əsasən idman zalı üçün nəzərdə tutulub, lakin evinizdə özünəməxsus idman zalı yaratmaq istəyirsinizsə, rahatlıqla almağınız mümkündür.