"Ölkə" üslubunda dizayn edilmiş masa qədim bir şəhəri xatırladır. Ayaqlarının quruluşu və üzərindəki işləmələr bir ölkəni qoruyan qala divarlarını və sədləri xatırladır. Bu ölkəni qoruyan cəngavər isə sizsiniz. Qalanızı necə qoruyacağınız isə sərgiləyəcəyiniz oyundan asılıdır. Masa Rus piramida oyunu üçün nəzərdə tutulan bütün standartlara cavab verir. Masa təmiz göyrüş ağacından hazırlanmışdır. "Knight Premium” un oyun sahəsinə çəkilən parça ən keyfiyyətli parçalardan olan Iwan Simonis 760-dır. Bilyard stolunun çəkisi 1270 kiloqramdır və minimum 30 m²-lik otaq üçün nəzərdə tutulub. Bu isə o deməkdir ki, masanı almazdan əvvəl ölçülərini və çəkisini mütləq nəzərə almaq lazımdır. Çünki bu yaraşıqlı masa evinizin xüsusi bir guşəsini özü üçün ayırmaq istəyəcək. Masa 5 piltədən ibarətdir. Bu da onun rahatlıqla sökülüb, istənilən yerdə quraşdırılmasını asanlaşdırır.