Təbii kauçukdan hazırlanmış təbiət dostu və performansınızı ən yaxşı şəkildə göstərə biləcəyiniz mat axtarışındasınızsa, Jade yoga matlarını seçə bilərsiniz. Amerika brendi olan matların istehsalında təbiətə heç bir ziyan verilmir. Əksinə hər bir matın satışından əldə edilən gəlirlə bir ağac əkilir. Hazırda bu gəlirlə əkilmiş ağacların sayı 1 milyondur və hər gün bu rəqəm artmağa davam edir. Fərqli rəngli matlar əslində fərqli xəstəliklərə diqqət çəkmək üçün istehsal edilir. Məsələn şirkət hər payız çəhrayı rəngli matlar istehsal edir və gəliri süd vəzi xərçənginin araşdırması, müalicəsi və bu barədə maarifləndirmə məqsədi üçün istifadə edir. Narıncı rəngli matlar autizmə, dəniz mavisi matlar isə yumurtalıq xərçənginə diqqət çəkmək üçündür. Şirkət yoganın təməlində dayanan tolerantlıq və humanistliyə tam şəkildə əməl etməyə və işlərində bunu təlqin etməyə çalışır. Siz də Jade yoga matlarını seçməklə yoganın təməl prinsiplərini izləyə və bu prinsipləri davam etdirməyə dəstək ola bilərsiniz. Matlar məşqləriniz üçün ideal ölçü və çəkidədirlər. Həm oturaq, həm uzanıqlı, həm də ayaqüstə edəcəyiniz istənilən hərəkət üçün rahatlığınızı və etibarlılığınızı təmin edir.